أعزائي المستمعين والمشاهدين اهلا وسهلا بكم في برنامجكم المفضل
((خليل يتحدى المستحيل ))
أحبابنا كل يوم تزيد وصباح جديد ويومكم سعيييييييد
ولتقديم ارأكم واقتراحاتكم اثصلوو على رقم المدار (( 500 وحداش واحد قاعد واحد مهناش ))
أو على رقم ليبيانا (( 500 وابراهيم 90 قصعت بازين ))
وفاكس رقم (( كنينكس الازدهار أو على خفظات المنصور ))
ونبدوا حلقتنا بأغنية (( صباح الخير مدرستي للمغنية فوزية العووووووووووورة))
.
.
.
.
.
.
.
.
.
وبعد هذا النغم الجميل (( لي ع الخوااااااااااا )) نبدأ في أستقبال اتصالاتكم لكن بعد الفاصل لنواااااااااصل !!
.
.
.
.
. ::: شو سر جمال شعرك ؟ ... لا هيدا مو شعري .. هيدا باروكة ... وهيدا شووووووووولدرز أبن خال حفاظات المنصور ...
.
.
.
.
.
.
.
عدنا بعد البريييييييييييييييييييييييييييييييييييييييييييييك .. أو مايسترووو وإلا كيت كات (( المهم ولينا ))
ونبدأأ في استقبال اتصالاتكم ..
.
.
.
ومعانا أول أتصال ... وانقول ألوووووووووووووووو
ألووووووووو
ألوووووو من معنا
معاك نهى ..
أهلا بيك يا نهى وانرحب بيك في برنامجنا
صباح الخير خليل
صباح الورد مرفوع من أحلى طير
كيفك يا نهى ؟
الحمد الله
شن تبي تهدي يا نهى
نحب نهدي اي اغنية لبابا وماما وسوسو ولولو ومي مي وخوخو وشوشو فطفط ومنوو وجميع الاهل والأصحاب !
ونقولك حاضر يا نهى حنهديلك الاغنية لي جميع إللي تحبيهم (تحت الهواء .. " شنو الاسامي هاذم حيوانات *حشاكم * وإلا شنو " ))
وانخليكم مع أحلى نغم لي أليساااااااااااااااااااااااااااااااااااااا
.
.
.
.
.
.
.
.
.
.
.
.
.
.
ومعانا اتصال اخر وانقول الوووووووووووو!!
ألووو
أيوا معاي برنامج خليل ؟
ايوا تفضلي وياريت اتنقصي فصوت الإذاعة شوية !!
حاضر هي !!
هكي كويس ؟
أوكي تفضلي !!
أني يارا انحب انقدملك تهنئة انت اولا والقناة ثانية والأحباب ثالثا (( خليل تحت الهواء " خيرها تقول خاشة سباق تعد ..")) ولي أختى بمناسبة الخطوبة ((خليل تحت الهواء " العقبة ليا " )) وعبدو ولد خالي وبنت خالي مي وجدووو وحنينا وعواطف صاحبني ولبنى صاحبت صاحبتي وأمي بمناسبة مولودها الجديد وانهني بابا لنجاح بنت خالت حناه (( خليل تحت الهواء " يا مخرج صكر ... تي صكر .. قص عليها .. تي جبدت كتيب العائلة كله وخشت على البلدية )) وجميع من يحمل لقبنا ولــ تووووووووووووووووووووووووووووووووووووووووووت!!!
وانقطع الاتصال وانقولولك حاضر يايارا حنهدولك أغنية شرين " أنت أخر واحد في الدنيا دي "
.
.
.
.
.
.
.
.
.
وبعد ما ستمعنى إلى شرين جانا فاكس من الأرجنتين ويقدم في تحية لقناتنا المفضلة وإلى خليل يتحدى المستحيل وإلى القائمين على هذا البرنامج والفاكس جاي من شخص ملقب بــ "" خارج التغطية "" ويوقل في فاكسه أنه يحب برنامجنا وحتى أني انفولك حبيناك من اسمك ويا رب التغطية ديما هاربة عليك !!
ويقدم اهداءاته إلى كل الشعب التشادي ... فقط
ونشكرك .. وحنهدوولك اغنية .. فضل شاكر ::: روووووووووووح حبيبي روووووووح :::
.
.
.
.
.
.
.
.
.
.
وبعد رووووووووح لفضل شاكر انقوللكم بعد هذا المشواااااااااااار نعوووووووود بعد الاخبار !!!
.
.
.
.
.
.
.
.
.
وبعد الأخبار انكمل المشوار ولا زلنا معكم في برنامج "" خليل يتحدى المستحيل ""
ومعانا اتصال ..
ألوو..
ألوووو..
الاتصال نقطع وانقولك .. حاول مرة ثانية ..
وانشوف اتصال أخر ..
ألووووووو
ألوووووووووو
المخرج يأشر إن الخطوط يوجد عليها ضغط !!
ولنا عودة بعد القاااااااااااصل ...
.
.
.
.
.
.
.
.
.
مع تايد للغسيل ... يساعد على تنظيف الأاسنان ... ويساعد على طرد القشرة ... مع تايد للغسيل مافيش مستحيل
.
.
.
.
وونقول النهار لا زال طويل مع خليل ..
ونرحب بيكم من جديد في الصباح السعيد ..
ومعنا اتصال ..
ألووووو..
أيوا ألووووووووو ألوووووووو رد يا منجوووووه تي رد !!
ايو من معنا !!
معاك الحاجة مسعودة !!
اهلا بيك يا حاجة (( وخليل يضحك "" شنو خشو حتى العزايز"")) اتفضلي ؟
انت منو
أني خليل ..
اخليل ولد من أنت ..
تفضلي يا حاجة .. شن تحبي تقدمي ..
والله يا ولدي عندي مرت ولدي مدايرة راسها من راسي وشادتها فجرتي وطوووووووووول النهار عراكات أني وياها .. وأني مرا طيبة وما بيتش انديرلها شي بعد ما ضربتها ورقدتها في المستشفى .. قلت مش محرشة راجلها طبعا لهوا ولدي .. قلت خللي نتصل بالإذاعة ونحرش بوهاااااا ويفكني منها !!!
بهاي وبعدين يا حاجة !! (( تحت الهواء "" اقطع .. تي صكر .. حيه حيه تعرينا ""))
واني توا انكلم فيك بش انقول لبوها راهي بنتك مش متربيا وتطول في لسانها ومش مخليتني فحالي وادس في الطماطم والزيت عليا ... هو ما سد مهناش في الجمعيات ومسد ادس فيه عليا !! والدنيا شايطة فيها النار ..
وانقوله اسمع يا بووووها المرة هاذي معرفتش رقمك مش قلت خلي انقولك في الإذاعة خير ما والله والله انشهدر بيهاااااااا وانخلي إللي ما سمع يتفرج !!
وبالمناسبة انقول لي شركة اليتريييك يجوو يصلحووو الضي خيرلهم خير ما نجيهم غادي وهما يعرفووو الباقي !!
وشكرا يا حاجة فاطمة "" تسكت يا ولد لما لكبار يتكلمو انت تسكت "" (( خليل تحت الهواء "" قص صكر ""))
وانقطع الاتصال ...
وانقولك يا حاجة فاطمة رسالتك وصلت ((خليل تحت الهواء "" نشهد بالله شهدرت بيا "")) وياريت يا شركة الكهرباء وصلتكم رسالتها والباقي انشاء الله ربي يصفي لقلوووووووب !! (( تحت الهواء "" فالشك ""))
وبالمناسبة حنهديلك أعنية "" ختياري ع العكازي ""
ومن هنا من برنامج خليل يتحدى المستحيل .. يعطيني مخرج البرنامج اشارة انتهاء الوقت الأصلي للبرنامج ولكم مني أجمل تحية وإليكم الأغنية!!
موضوع: عيشووووووو لحظة مع برنامج (( خليل يتحدى المستحيل ))