أني ما نقدر انقول في الايام القليل (( والله يا ورد الجوري خليتينا ندوو بالفصحة زيك اتقول في فيلم الرسالة ))
المهم في الايام الجاية حيتم المعهد وكل واحد يمشي في حاله وبيقعد يدور في حاجة يحشي فيها راسه لن يبدا المعهد !!
وبالمناسبة بنقول شعر فنوني شوية !!
بنقول :
خشيت نقرا بكل نية ... حلم مقد في الليبية
في الشتاء والخريف ... انش الباب نمد التعريف
وانصبح صباح اجلال للمدير ... بوقفته على الباب في الصبحية !!
ونخش لي فاطمة غندور .. دماغ دايخ من غير فطور .. حكاية وسرد وروائية
وكان شبحت علي خليفة يشبحلك شبحة .. بتخويفة ..وتقعد تمشي فمشية خفيفة .. لن توصل للبصرية..!
ولو شبحك اسليمان .. كأنه ماشاف انسان ... نقاله ديمة على الودان ... وماتسمع غير عدي عليا !
ولو تشبح استاذ بشير .. زعيم ولكن خطير .. ديما ينبه بكل تحدير (( بكلمة نوض غادي هيا ))!!
وهذا القليل من الكثير يا غالين .. ونشكر كل المدرسين في معهد الفنون ونشكر كل طالبات المعهد والمدير والعاملين به والموظفين والموظفات .. وكل من يعرف خليل يتحدى المستحيل ..
وبالمناسبة ياريت ما حد يزعل مني (( لأنكم كلكم أحبابي .. من المدير لحتى الصير ))
وبنسأل بنات المعهد ..
يادارسة الفنون رسمت العاشق بالله كيف اتكون ..
ويادارسة الإعلام .. قلبي كبير ويبي يقول كلام .. هو الحب نظرة أولى وإلا كلام أفلام !!
ويادراسة التصوير .. قلبي بلاك حاير كيف ايدير .. أنتي كبيرة لكن العقل صغير !1
ويادارسة الإعلان .. جيبي ورق ومسطرة وألوان .. وقفتي في جنبك توحي اني تعبان !!
ويادارسة التسجيل .. كلامي بلا مايك كيف ايصير .. أنتي سبيكر وإلا خيط قصير!!
ويادارسة التنكر .. الشعر باروكة والدماغ مصكر .. بالله من غيرك عقلي كيف ايفكر !!
..
وشكرا ليكم
وســــــــــــــــــــــــــــــــــــــــــــــــــــــــــــــــــــــــــــــــــــــــــــــــــــامحوني
مع تحياتي ... خليل يتحدى المستحيل