على قوووووووووووووووول المثل ( 3 - شي )

وعودة خليل والنهار مزاااااااااااااااااااااال طويل !!
اني ديما نخش فالمواضيع ومافيش خد يخش فيا !!
اليوم على الأمثال والأشعار القديمة وإللي عليهاااااااااا قيمة
اليوم نديرلكم شعر وأمثال بالمقلوووووب يعني مش لضي للشمع بس!
ونبدو على بركة الله!!
على قول الشاعر :
إذا لم تكن ذئبا سده وستريح
والأم مدرسة جمل طاح في باسطي
وعلى قد غطاك يبربشوك ادجاج
وإذا اردت صعود الجبال تطلع البنت لأمها
واقلب القدر على فمها مد رجليك
وبحبك يا ستموني مش حتقدر تغمض عينيك
ومع خليل مفيش مستحيل
وبالله شاركونا ولا تنسونا
وفكونا متع يمنع الرد ... ( شني هيا ردة باب )
وتحية لأم غيداء

هاهاها الموضوع جميل يتحاج شوية تفتيلك
لكن بنزيد عليك (مش مزايدة نقصان لا حاشاك)
وين يطيح الجمل يقول ياحصلتي في المنداف وشبعت الضراري فيا
وين يكبر الديب يقول للكلب ياجاري
يباها حمرة وجرايا وماتحبش الفواكه
والنصيب احول يشبح في الوحدة تواما ويجيبلها كمشة خطابا
وماتخلطش روحك ما الكسكسي لايبربشوك الحمام
واللي بيحادي يحادي الفيراري عقرب الريح تحرقلك دمك
قالتله ماتجيبش قاللها من قالك بنجيب
هاهاها نلتقي يامستحيل قصدي ياخليل

نهنيكم على قدراتكم التأليفية انتو الزوز
ماشاء الله عليكم

دير روحك احول معاش يشبحلك حد.

ياودي قدراتنا للتأليف بالهون لكن نشاركوكم ياأخواني

الباب اللي ايجيك منه الريح... دقله مسمار عشره
وعصفور في اليد...خير من عشره دينار

الي مالحقش العنقود قال ناقص ملح

حوت يأكل حوت والبنت تطلع لى أمها

ياولدى ديرلك عشيشة اللى معنده صقع عليه

مشكور أخى خليل على طرح هذه الفكرة أبداعت

تقول جدتي يا والله الحال يدوخ طنجره علي نار وكس كاس ابوخ .......
حتي المثل لعبته فيه
باهي ممكن نطلب منك طلب نبي امثال ولله خواطر علي الدنيا يا اعضاء المنتدي بتحديد اخي خليل يتحدي المستحيل هي وريني شن تقول

حاضر وقريبا ..!!